Арсенал вечерва се пласираше во финалето на Лигата на шампионите откако го победи Атлетико Мадрид со 1-0 дома во реваншот од полуфиналето.
„Топџиите“ се пласираа во финалето со вкупен резултат 2-1, по нерешениот резултат 1-1 во Мадрид минатата среда.
Букајо Сака го постигна водечкиот и единствен гол во 45-тата минута.
Мадрид беше блиску до израмнување на почетокот на второто полувреме. Коке испрати долга топка, Вилијам Салиба одигра лошо со глава, но Габриел се протна и го спречи Џулијано Симеоне да го израмни резултатот на 1-1.
Во 66-тата минута, Арсенал имаше огромна шанса да го удвои водството. Инкапие брилијантно го пронајде Виктор Ѓекереш, но Швеѓанецот го префрли голот со удар со глава.
До крајот не беа постигнати голови, но се играше одлична битка и квалитетен фудбал, иако двата тима имаа само два удари кон голот во текот на целиот натпревар.
Арсенал ја имаше иницијативата и контролата врз играта во поголемиот дел од натпреварот, што се потврдува со поголемиот посед на топката (56:44)
Арсенал во финалето ќе игра против победникот од двомечот меѓу бранителот на титулата Париз Сен Жермен и Баерн Минхен. Натпреварот е закажан за среда во 21 часот во Минхен.
Домашниот тим победи со 5-4 во Париз минатиот вторник.
Финалето на Лигата на шампионите ќе се игра во Будимпешта на 30 мај.
