Англија има сериозен проблем пред четвртфиналето на Светското првенство против Норвешка.
Според „Дејли меил“, Деклан Рајс се заразил со вирус и е изолиран од остатокот од тимот за да се спречи ширењето на инфекцијата во англискиот табор. Натпреварот Англија-Норвешка ќе се игра во сабота во 23 часот по наше време во Мајами, а статусот на Рајс сега е една од главните теми пред големото шоу.
Фудбалерот од средниот ред на Арсенал пропушти два тренинзи по ред, што дополнително го загрижи англискиот штаб. Рајс веќе имаше проблеми со тетивата и долниот дел од грбот, а сега болеста се „надгради“ на тоа.
Англиската фудбалска асоцијација веднаш реагираше и го одвои од остатокот од националниот тим. Според информациите од англискиот табор, постои верување дека ширењето на вирусот е запрено, но отсуството на еден од најважните играчи од тренинзите пред четвртфиналето сигурно не е идеално за Томас Тухел.
Рајс е клучен играч во англискиот среден ред. Тој носи рамнотежа, дуел игра, покривање на просторот и безбедност пред одбраната. Во натпреварот против Норвешка, која го има Ерлинг Халанд и многу јасен план за игра преку физичка моќ и брза транзиција, неговата улога би можела да биде особено важна. Кога на тоа ќе се додаде фактот дека Марк Геи е многу веројатно да отсуствува, ситуацијата е навистина алармантна.
Но, здравствените проблеми не ја погодија само Англија. И Норвежаните имаат проблеми со вирус во нивниот табор. Голманот Орјан Ниланд потврди дека ситуацијата постои во националниот тим и рече дека лекарот на тимот во моментов има „полни раце работа“.
Норвешка веќе имаше проблеми со болни играчи за време на турнирот. Јерген Странд Ларсен го пропушти првиот натпревар поради болест, додека Маркус Холмгрен Педерсен не беше во составот за сензационалната победа против Бразил.
