Поништувањето на суспензијата на американскиот напаѓач Фоларин Балогун е една од главните теми овие денови на Светското првенство. Балогун доби црвен картон во осминафиналето, во кое САД ја победија Босна и Херцеговина со 2:0. Водечкиот стрелец на американската репрезентација беше суспендиран од ФИФА за натпреварот против Белгија, кој ќе се игра ноќта понеделник кон вторник од 2 часот наутро.
Американската репрезентација дури и не се пожали на црвениот картон, но ФИФА му ја одложи казната на една година. Фудбалскиот свет беснее за суспензијата на казната, сите ја критикуваат таквата одлука, особено откако „Гардијан“ објави дека иницијативата дошла од Белата куќа, од самиот Доналд Трамп. Случајот го коментираше капитенот на американската репрезентација, Кристијан Пулишиќ.
„Кога ќе го погледнете фаулот, немаше намера. Бало се однесуваше добро откако беше исклучен, како и остатокот од тимот. Не се жалевме, ниту пак правевме сцена. Добри работи се случуваат ако се однесувате на правилен начин. Одлуката изгледа исправна“, рече Пулишиќ, додавајќи:
„Балогун е нашиот водечки стрелец. Секако дека сакате да имате таков човек во тимот. Би ни било добро и без него. Имаме играчи кои се подготвени да преземат одговорност. Но, со Бало во тимот, многу полесно ни е да играме.“
