Аргентинскиот фудбалер Лионел Меси беше херој на својот тим Интер Мајами синоќа, со кого гостуваше во Орландо во 2. коло од новата сезона во МЛС.
Интер дојде до победа по голем пресврт со резултат од 4:2, а Меси беше прво име на натпреварот со два постигнати гола.
Домаќинот поведе со 2:0 со головите на Марко Пашалиќ и Мартин Охеда во 18-та и 24-та минута, а тој резултат остана на семафорот до крајот на првото полувреме.
Leo Messi scores his first two goals in MLS 2026 season. 🔛🇦🇷 pic.twitter.com/LsVQ3LZBrF
— Fabrizio Romano (@FabrizioRomano) March 2, 2026
Матео Силвети го намали резултатот на 2-1 во 49-тата минута, а потоа Меси израмни на 2-2 осум минути подоцна со прекрасен гол од работ на шеснаесетникот. Теласко Сеговија постигна гол во 85-тата минута за целосен пресврт за Интер Мајами, а Меси стави точка на натпреварот.
New season, same Messi 🐐
(via @MLS)pic.twitter.com/Aqx5QHuK9f
— B/R Football (@brfootball) March 2, 2026
Во 90-тата минута беше досуден фаул за гостите на 25 метри, Меси ја намести топката и постигна прекрасен слободен удар, иако голот дефинитивно оди во душата на голманот Орландо Крепо.
За Интер ова е прв триумф во новата сезона по поразот од Лос Анџелес ФК во првото коло, а Орландо има два порази во два натпревари.
