Идниот менаџер на Ливерпул, Андони Ираола, денес пристигна во градот на Битлси за да го потпише својот двегодишен договор со клубот и да го замени Арне Слот, кој беше отпуштен во саботата.
Баскиецот долета со приватен авион од Сан Себастијан и слета на аеродромот „Џон Ленон“, по што веднаш беше однесен со комби до базата на клубот од Мерсисајд.
Andoni Iraola has arrived in Liverpool ✈️ pic.twitter.com/WzG7CrvDxS
— The Redmen TV (@TheRedmenTV) June 4, 2026
Ираола веќе има усмен договор со Ливерпул за времетраењето на договорот, за кој самиот инсистираше дека ќе биде две години, како и да го донесе со себе на „Енфилд“ својот персонал, со кој работеше и во Борнмут – Пабло де ла Торе, Томи Елфик, Шон Купер и Том Вебер.
Andoni Iraola off to sign as LFC manager 📝🔴 pic.twitter.com/vl5oeDU1mU
— The Redmen TV (@TheRedmenTV) June 4, 2026
Се очекува 43-годишниот стручњак да го потпише договорот денес попладне, по што Ливерпул официјално ќе го претстави како нов менаџер на тимот.
Тој веќе активно работи со спортскиот директор Ричард Хјуз, кого го познава уште од Борнмут, на летниот избор на 20-кратниот англиски шампион.
