За време на синоќешниот натпревар од Лигата на шампионите на „Алијанц Арена“ помеѓу Баерн и Реал, имаше и вербален судир помеѓу гостинските играчи Винисиус и Џуд Белингам.
Имено, камерите на телевизијата „Мовистар“ снимија конфликт помеѓу двајца играчи за време на една можност за Реал Мадрид откако Упамекано лошо ја прими топката.
Винисиус се стрча во шеснаесетникот, Белингам бараше додавање, но Бразилецот лошо ја контролираше топката, дозволувајќи му на дефанзивецот на Баерн да се врати и да ја отстрани опасноста.
Акцијата заврши само со аут за Реал, а Белингам веднаш му приговори на Винисиус затоа што не му ја подаде топката.
🚨 توتر واضح بين بيلينغهام وفينيسيوس داخل الملعب!
بيلينغهام كان غاضب بسبب عدم التمرير 😤
وفي المقابل، فينيسيوس رد بانفعال شديد:
“ماذا تُريد؟ أخرس وأغلق فمك” 💥— جريدة أوليه الرياضية (@OleehSport) April 15, 2026
Бразилецот не му се покори и луто му дофрли од далечина. „Што сакаш? Замолчи“, му рече крилниот напаѓач на својот соиграч.
Патем, официјалните податоци на УЕФА откриваат дека Белингам му ја подал топката на Винисиус Жуниор четири пати во текот на натпреварот, додека Бразилецот не направил ниту едно додавање до Англичанецот.
Да потсетиме дека Реал ја заврши сезоната во Лигата на шампионите, откако го победи Баерн со 2-1 во Мадрид и со 4-3 пред своите навивачи во четвртфиналето, а во полуфиналето ќе игра против ПСЖ.
