Реал Мадрид е во многу тешка ситуација. Клубот ја завршува втората сезона по ред без значаен трофеј и игра само до крајот на сезоната затоа што мора. Тие се најдоа во оваа ситуација со едно реми и три порази во последните четири натпревари. Откако претходно го загубија финалето на Суперкупот од Барселона и беа елиминирани од Купот од второлигашот Албасете, на Реал му остана само Ла Лига и ЛШ.
Сепак, со три порази и едно реми во последните натпревари, ја изгубија шансата во обете тие натпреварувања. Беа поразени од Баерн во двата натпревари од четвртфиналето на Лигата на шампионите. Во шампионатот, загубија од Мајорка и ремизираа со Џирона, оставајќи го актуелниот шампион Барселона на врвот со дури девет бода разлика.
Со седум кола до крајот на Ла Лига, Реал знае дека има само теоретска шанса да ја стигне Барселона и дека натпреварите до крајот се само за исполнување на нивните обврски. Првиот од нив е утре против Алавес. Пред тој натпревар, тренерот Алваро Арбелоа се обрати на прес-конференцијата.
„Две сезони без трофеј… Реал Мадрид е клубот каде што работите одат добро поголемиот дел од времето. Има моменти кога не одат, но менталитетот на овој клуб е секогаш да се гледа напред. Во Реал не е доволно само да се изгуби, но ниту победата не е доволна, бидејќи знаеме какви се барањата тука – мора постојано да се гледа напред кон победа. Мора да ги добиеме преостанатите седум натпревари“, изјави тој.
„Секогаш има објаснување и за многумина тоа е очигледно. Што се однесува до нашите перформанси, сигурно имаме што да подобриме во Ла Лига во последните години. Во последните месеци, мислам дека се покажавме подобро во големите натпревари отколку против помали противници. Ако зборуваме за овие три месеци, имаме многу простор за подобрување. Но, исто така, доживеавме ситуации, како онаа против Џирона, кои покажуваат дека за Реал понекогаш е полесно да се освои Лигата на шампионите отколку Ла Лига“, порача тренерот на „кралевите“.
Во однос на тоа каков е неговиот однос со соблекувалната, Шпанецот тврди дека тој има добар однос.
„Не го разбирам фудбалот на друг начин. Тоа не значи дека не бараш многу или дека не можеш да ги притискаш… Тоа е ставот што мора да го прифатиш кога си фудбалер. Дури и во тешки моменти секогаш имало добра атмосфера во соблекувалната. За мене, тоа е правилниот пристап и така треба да изгледа соблекувалната“, порача Арбелоа.
