Флорентино Перез вчера рече, денес Алваро Арбелоа повтори – судиите му украдоа најмалку седум титули во Ла Лига на Реал Мадрид.
Тој ја оправда и тепачката меѓу Феде Валверде и Аурелијан Чуамени, но очигледно е дека и Арбелоа имаше потреба да му се „умилкува“ на својот претседател, бидејќи ги потврди и бранеше неговите ставови на денешната прес-конференција.
„Како што рече синоќа нашиот претседател Флорентино Перез, во последните 20 години судиите на Негреира ни украдоа најмалку седум титули во Ла Лига. Сите знаеме што се случи во тој период и знаеме за кого работеше Негреира. За мене е шокантно што само Реал Мадрид се бори толку жестоко за правда во шпанскиот фудбал, се чини дека ние сме единствениот клуб на кој му е грижа за тоа. За останатите, се чини нормално што Барселона ги поткупуваше судиите и влијаеше на натпреварувањето“, рече Арбелоа.
