Фудбалерите на Баер и Арсенал вечерва ремизираа 1:1 во Леверкузен во првиот натпревар од осминафиналето на Лигата на шампионите.
Атмосферата беше пеколна на „Беј Арена“ во Леверкузен, а домашните играчи тргнаа поофанзивно и без никаков респект против актуелниот лидер во Англија, но и тим кој нема ниту еден пораз во лигашкиот дел од Лигата на шампионите. Сепак немаше голови по првите 45 минути.
Штом започна второто полувреме, „фармацевтите“ поведоа. Прво, во 46-тата минута, Териер со глава одлично шутираше, но Раја одбрани брилијантно. По тој корнер, Андрих погоди со глава за голема прослава од домашните играчи.
Избраниците на Микел Арета имаа поголем посед на топката, но тешко создаваа конкретни можности, што е невообичаено за тим кој оваа сезона постигна 23 гола и прими само четири во Лигата на шампионите.
Беше 88-мата минута кога Арсенал израмни. Тилман беше невнимателен, соборувајќи го Мадуеке, а судијата Мелер покажа на пенал. Герман Хаверц беше сигурен за конечни 1:1.
Сепак имаше голема дебата дали воопшто стартот беше за досуда на пенал.
This was the challenge that led to Arsenal’s penalty… do you think it was the right call? 🤔@tntsports & @discoveryplusUK pic.twitter.com/5GXcNDu4Gn
— Football on TNT Sports (@footballontnt) March 11, 2026
Кој ќе оди во четвртфиналето на Лигата на шампионите ќе дознаеме по реваншот, кој е закажан за 17 март во Лондон.
