Атлетико Мадрид се пласираше во полуфиналето на Лигата на шампионите по драматичниот реванш против Барселона, кој „јорганџиите“ го загубија со 1-2, но благодарение на победата од 2-0 во првиот натпревар, се пласираа понатаму со вкупен резултат од 3-2.
Гостите влегоа во натпреварот на феноменален начин и до средината на првото полувреме веќе ја избришаа својата негатива од два гола во вкупниот резултат благодарение на головите на Ламин Јамал (4′) и Феран Торес (24′).
Сепак, нивниот ентузијазам беше намален откако Адемола Лукман (31′) врати еден гол пред паузата.
Во второто полувреме, Торес постигна уште еден гол во 55-тата минута, но тој беше поништен по преглед на ВАР.
Во 79-тата минута, видео-помошникот на судијата повторно го „попари“ тимот Ханси Флик, бидејќи по негова интервенција, Ерик Гарсија доби апсолутно заслужен црвен картон за спречување на шанса за гол на Александар Серлот, спротивно на правилата.
На крајот, Диего Симеоне се пласира повторно во најдобрите четири на Стариот континент, а конечно ќе може да го нападне и трофејот во најпрестижното натпреварување.
