Шкотска се раздели со Стив Кларк по Светското првенство и сега бара нов селектор. И се чини дека првиот кандидат да го наследи е Рафа Бенитез.
Доколку се договори со федерацијата на Шкотска, тоа би бил негов прв ангажман во националниот фудбал.
Бенитез беше гостин на радиото „Талкспорт“ каде што зборуваше за оваа тема.
„Тие го достигнаа својот максимум. Не мислам дека можеа да направат повеќе од тоа“, рече Бенитез и додаде дека би бил отворен за предизвикот доколку му се дадат соодветни средства за работа:
„Би било интересно за мене да бидам селектор. Мислам дека тоа е сосема поинаква работа од онаа во клупскиот фудбал.“
Најголемата пречка за овој ангажман би можеле да бидат парите. Според извештаите, тој имал плата од 3.000.000 евра годишно во Грција, додека Стив Кларк работел за шест пати помалку во Шкотска.
