Претседателот на УЕФА, Александар Чеферин зборувајќи на конгресот на УЕФА еден ден откако чадор организацијата постигна договор со Реал Мадрид со кој се стави крај на нивната правна расправија околу Европската Суперлига, ја нагласи потребата европскиот фудбал да ја задржи својата отворена пирамидална структура.
Натпревар од Ла Лига помеѓу Виљареал и Барселона требаше да се одржи во Соединетите Држави, а натпревар од Серија „А“ помеѓу Милан и Комо требаше да се одржи во Австралија пред локалните фудбалски власти да ги откажат плановите минатата година.
Чеферин ги советуваше клубовите „да не тргуваат со своите корени за богатство“
„Домашните лиги ја црпат својата сила од својата територија, своите традиции и навивачите кои одат на натпреварите. Одржувањето домашни натпревари во странство може да служи на краткорочни интереси, но ја ослабува врската и ја поткопува лојалноста“, рече словенечкиот адвокат и фудбалски администратор.
„Како да изградите идентитет ако ја тргнете играта од вашиот дом?… како да ја одржите локалната страст ако ја продавате?“, стакна претседателот.
Чеферин, кој е претседател на УЕФА од 2016 година, рече дека европскиот фудбал никогаш нема да биде затворен, очигледно алудирајќи на предложената Европска Суперлига, која првично предложи модел што би гарантирал учество на некои од попопуларните клубови.
Претседателот на ФИФА, Џани Инфантино, кој исто така зборуваше на конгресот на УЕФА, им честиташе на европското фудбалско тело и на Реал за решавањето на нивниот правен спор.
