Данската фудбалска федерација (DBU) објави дека повеќе нема доверба во претседателот на ФИФА, Џани Инфантино, и најави дека ќе соработува со УЕФА и други федерации за да пронајде сериозен кандидат кој би можел да биде негова алтернатива на изборите во 2027 година.
Данската федерација соопшти дека неуспешниот план за продажба на комерцијални акции во натпреварувањата на ФИФА, вклучително и Светското првенство, предизвикал „фундаментална криза на доверба“ во раководството на светската фудбалска организација.
DBU не го поддржа Инфантино на изборите во 2023 година и изјави дека нема да го стори тоа на следните избори, кои ќе се одржат на 18 март 2027 година во Рабат.
„Довербата во Џани Инфантино исчезна. Ниту повлекувањето на предлогот, ниту последователното извинување за начинот на кој беше спроведен процесот не го менуваат нашиот став“, соопшти DBU.
Данска сака да соработува со УЕФА и другите национални асоцијации за да пронајде кандидат кој би претставувал „веродостојна алтернатива“ и би можел да ја врати довербата во ФИФА.
Инфантино сака четврти мандат, кој би траел до 2031 година, но неговата поддршка сериозно се намалува во последните недели. УЕФА, АФЦ и КОНКАКАФ вршат притисок врз првиот човек на ФИФА, додека некои национални асоцијации ја повлекуваат својата претходно изразена поддршка.
Од друга страна, Инфантино сè уште има силна поддршка од Конфедерацијата на африкански фудбал (КАФ), како и од неколку азиски асоцијации, додека Аргентина и Мексико исто така ја поддржаа неговата кандидатура.
Данска, исто така, изјави дека нема да учествува во натпреварувањата на ФИФА доколку не добие гаранции дека можноста за отворање на натпреварувањата на ФИФА и нивното управување за приватни инвеститори нема да се разгледува во иднина.
 објави дека повеќе нема доверба во претседателот на ФИФА, Џани Инфантино, и најави дека ќе соработува со УЕФА и други федерации за да пронајде сериозен кандидат кој би можел да биде негова алтернатива на изборите во 2027 година){kind=link}