Новиот централен напаѓач на Реал Мадрид, Карлос Еспи, го сподели своето возбудување по постигнувањето на победничкиот гол во победата од 2-1 над Еспањол во саботата, а денес беше официјално претставен како играч на клубот
„Да се биде во Реал Мадрид е извор на гордост. Исклучително сум среќен за себе и за моето семејство. Ќе дадам сè од себе за овој клуб“, рече играчот купен од Леванте.
🤝🏟️ pic.twitter.com/lcygA31QZG
— Real Madrid C.F. (@realmadrid) August 23, 2026
„Бев многу импресиониран кога ги видов 15-те трофеи од Лигата на шампионите“, продолжи Еспи. „Овој клуб е неверојатен – базата, Бернабеу, тие се грижат за секој детаљ. А во однос на фудбалот, тимот е најдобар на светот. Поради среќата од вчерашниот гол и мојата голема желба да дојдам на презентацијата, спиев многу малку. Моментот на голот беше одличен – сите бевме во голема еуфорија и за мене беше гордост да видам колку се среќни за мене. Едвај чекам да дојде среда и да ја видам атмосферата на „Бернабеу“, додаде тој.
💬 Carlos Espí: "Han sido días increíbles, pero estoy deseando pisar el Bernabéu". pic.twitter.com/I2IdqwKsNV
— Real Madrid C.F. (@realmadrid) August 23, 2026
Во среда, Реал е домаќин на Реал Сосиедад во одложен натпревар од првото коло.
