ФК Вардар утре на арената „Тодор Проески“ во Скопје ќе го игра првиот натпревар од првото квалификациско коло во Лигата на шампионите против фински КуПС.
Новиот тренер на црвено-црните, Кристијан Фабијани на прес-конференцијата пред мечот изјави дека задоволен од подготовките во Италија, иако е кратко во клубот и немал многу долго време да е запознае со сите аспекти.
За КуПС вели дека ќе се соочат со тим кој е во натпреварувачка форма, игра одлично и знаат да играат со топка.
-Ние ќе се обидеме да ги притиснеме на нивната половина и да одиграме најдобро што можеме. Екипата е спремна, на терен ќе излезе тој што е најмногу подготвен и тоа ќе биде познато утре. Веќе три месеци сум во Вардар, очекувањата се големи, но мислам дека сè уште не сме на 100 посто од нашите можности – изјави Фабијани.
