ПСЖ ја одбрани титулата во Лигата на шампионите со победата над Арсенал во финалето по изведување пенали. Арсенал не успеа да освои „двојна круна“, а статистиката од финалето против ПСЖ дополнително ја разгоре дебатата за стилот на игра на Микел Артета.
Лондонскиот клуб не успеа да оствари ниту 200 успешни додавања во текот на 120-те минути игра. Арсенал го заврши натпреварот со само 199 точни додавања од 280 обиди, со скромна стапка на успешност од 71 процент.
Со други зборови, Арсенал имаше само 1,5 точни додавања по одиграна минута (вклучувајќи го и судиското продолжение)!
За споредба, ПСЖ имаше 837 успешни додавања од 911 обиди, со импресивна стапка на прецизност од 92 проценти. Парижаните на тој начин завршија повеќе од четири пати повеќе додавања од нивниот противник, што е ретко видена статистичка доминација во финалето на најголемото клупско натпреварување во Европа.
Токму овој вид податоци често се во срцето на критиките насочени кон Арсенал. Иако тимот на Артета постигнува врвни резултати, многу навивачи на Арсенал го критикуваа потпирањето на дефанзивната цврстина, физичката моќ и прекините во последните сезони, додека креативната игра во посед на топката често е во втор план.
Од друга страна, Арсенал ја освои Премиер лигата со овој стил по долга 22-годишна „суша“, а во Европа пеналите беа виновни за губењето на трофејот. Резултатите не можат да се оспорат, но фудбалските фанатици не се задоволни од она што го видоа.
