ФИФА им забрани на навивачите да го носат предреволуционерното знаме на Иран на натпреварите од Светското првенство. Предреволуционерното знаме е слично по боја со официјалното знаме на Исламската Република Иран. Разликата е во тоа што предреволуционерното знаме има лав во средината, додека сегашното знаме има црвен грб, како и фразата „Алаху Акбар“ на него.
Знамето беше променето во 1979 година кога земјата доживеа голема револуција. Лавот беше отстранет бидејќи се смета за симбол на шахот на Иран, претходниот владетел на земјата. Сепак, тоа сè уште се користи денес како симбол на протест против сегашниот режим. За време на Светското првенство во 2022 година, ова знаме беше отстрането од трибините неколку пати, а ќе доживее слична судбина и оваа година.
ФИФА го стави знамето на списокот на „забранети“ знамиња и навивачите нема да можат да го внесат на трибините. Тоа е потенцијално голем проблем за најголемата фудбалска организација, бидејќи на Западниот брег на Соединетите Американски Држави има голема иранска дијаспора.
Иран ги игра своите натпревари од Светското првенство во Лос Анџелес и Сиетл.
