Родри е голем сон за Реал Мадрид со години, а евентуалното заминување на Пеп Гвардиола од Манчестер Сити би можело да промени сè. Шпанскиот играч од средниот ред долго време е цврсто врзан за Сити токму поради Гвардиола, тренерот кој го претвори во еден од најдобрите играчи во светот.
Сега ситуацијата се менува. Според шпанскиот весник „Marca“, Родри се повеќе се радува на идејата да се врати во Шпанија, а Реал Мадрид е клуб кој го следи уште од времето кога играше за Атлетико.
Родри не е гламурозно засилување во стилот на напаѓачки ѕвезди, но неговиот профил е речиси совршен за Реал. По заминувањата на Касемиро, Крос и постепеното збогување на Модриќ, на Мадрид хронично му недостасува играч кој внесува ред, рамнотежа и контрола во средината на теренот.
Родри е токму тоа: последниот играч од средниот ред кој брани, организира, ја смирува играта, ретко прави грешки и ги прави своите соиграчи подобри. Реал Мадрид верува дека неговиот квалитет би можел да реши голем дел од проблемите во конструкцијата на играта и дефанзивната стабилност.
Родри има договор со Манчестер Сити до 2027 година и англискиот клуб нема лесно да го пушти. Сепак, со оглед на тоа што Гвардиола си заминува, а самиот играч јасно стави до знаење во своите изјави дека сака да се врати во Шпанија, Реал би можел да се обиде да отвори една од најголемите трансфер приказни на летото.
Засега, Родри останува смирен и фокусиран на крајот на сезоната и Светското првенство со Шпанија. Но, во Мадрид неговото име се споменува сè погласно.
