Тренерот на Барселона, Ханзи Флик, верува дека англиската Премиер лига е најсилното клупско првенство во светот.
Стручњакот зборуваше за медиумите пред натпреварот помеѓу Каталонците и Њукасл во елиминациите од Лигата на шампионите.
„Премиер лигата е најдобра во светот. Има навистина силни тимови со многу пари. Има најмногу учесници во тековната фаза од Лигата на шампионите. Ја имаме потребната класа и мораме да продолжиме да играме онака како што знаеме и умееме“, порача Флик.
Утре вечер очекува фантастична атмосфера на стадионот.
„Противниците играат добро, играат човек на човек. Тие имаат многу брзи играчи. Треба да се браниме добро, бидејќи двата меча се важни. Мора да играме претпазливо, имајќи предвид што ни се случи против Атлетико Мадрид“, додаде Германецот.
