Сиетл Сихокс составија феноменален тим кој ги доведе до титулата во НФЛ. Сепак, таа група остана без витален член, бидејќи Кенет Вокер официјално го напушти клубот.
Триумфалната франшиза се одлучи за многу ризичен потег кога на MВП на Супербоул му беше дозволено да излезе на отворен пазар. Секој можеше да го зграби, а како што стојат работите, тој падна во најдобрите можни раце – Канзас Сити Чифс.
Ова е сигурно најдобрата организација во оваа деценија. Од 2020 година, тие играа на пет Супербоули, каде што освоија три титули. Тие се само вториот тим што ја одбрани титулата во овој век, а сето тоа благодарение на феноменалниот Патрик Махоумс – можеби најдобриот играч во американскиот фудбал во моментов.
Се работи за тригодишен договор вреден 38,5 милиони евра, што го прави и најплатениот слободен агент на позицијата ранинг-бек во историјата на НФЛ!
Таа позиција честопати беше голем проблем за Канзас Сити, но веќе не! Вокер стана само четвртиот актуелен MВП на Супербоул кој направил трансфер во средината во овој преоден рок, а во исто време и првиот ранинг-бек во овој век кој е прогласен за MВП на натпреварот за титулата.
