Тренерот на Рома, Џанпјеро Гасперини, не се согласи со проценката на Жозе Мурињо дека неговиот тим физички се распаднал во последните минути од драматичниот дуел со Реал Мадрид (3:4).
Италијанскиот стручњак тврди дека Рома го надиграла „кралскиот клуб“, а како клучна причина за болниот пораз ја издвои лошата одбрана од прекини.
Рома беше поразена од Реал Мадрид во второто коло од Лигата на шампионите на домашен терен со резултат од 4:3, иако до самиот крај на натпреварот имаше водство од два гола.
„Единствените на кои им снема гориво беа тие. Ние ги здробивме. И тоа е голема штета бидејќи ваков натпревар не требаше да заврши вака“, рече Гасперини.
Гасперини верува дека причината за поразот била лошата концентрација на неговиот тим при изведување прекини.
„Ги надигравме во сè. Тие постигнуваа голови само од корнери. Но, исто така, мора да научиме да ги завршуваме натпреварите како овој. Мора да обрнеме внимание на она што не беше добро. Бидејќи добро ги браневме корнерите во првото полувреме, но завршницата беше проблем.“
.){kind=link}