Германската фудбалска федерација (DFB) потврди дека постигнала договор со Јирген Клоп за преземање на функцијата селектор на репрезентацијата, а единственото нешто што треба да се направи е да се постигне договор со работодавачот на тренерот, Ред Бул.
„Претседателот на федерацијата, Бернд Нојендорф, и потпретседателот Ханс-Јоаким Вацке, во петокот имаа интервју со Јирген Клоп за неговото евентуално назначување за селектор на репрезентацијата“, се вели во соопштението на федерацијата.
„За време на оваа комуникација, беа договорени главните точки на потенцијалниот договор. Преговорите ќе продолжат следната недела. Двете страни се уверени дека, со согласност на работодавачот на Клоп, Ред Бул, ќе бидат доведени до успех“, се вели во соопштението.
„Евентуалниот договор ќе биде одобрен од Надзорниот одбор на генералното собрание на федерацијата“, се заклучува во соопштението.
По оставката на Јулијан Нагелсман, главен кандидат за позицијата е 59-годишниот Клоп. Германецот има договор со Ред Бул како глобален директор за развој на фудбалот на компанијата од јануари 2025 година.
 потврди дека постигнала договор со Јирген Клоп за преземање на функцијата селектор на репрезентацијата, а единственото нешто што треба да се направи е да се постигне договор со работодавачот на тренерот, Ред Бул.){kind=link}