Манчестер Сити ја загуби битката со Арсенал за англиската титула, но Ерлинг Халанд веднаш вети дека тој и неговите соиграчи ќе сторат сè што е во нивна моќ за повторно да го подигнат трофејот за една година.
Синоќа, Сити ремизираше 1-1 со Борнмут во 37-то коло и на тој начин Арсенал триумфираше со златните медали.
„На крајот на денот, секој натпревар во Премиер лигата е тежок“, рече Халанд по мечот.
„Се обидовме, но не беше доволно. Целиот клуб мора да го искористи тоа како мотивација сега. Мора да бидеме лути на себе, мора да го почувствуваме огнот во нас, бидејќи не е доволно добро. Поминаа две години откако не сме биле шампиони, но се чувствува како цела вечност. Ќе направиме сè што можеме за да ја освоиме лигата следната сезона.“, додаде тој.
