Менаџерот на Њукасл, Еди Хау, не беше целосно задоволен од ремито 1-1 со Барселона во Лигата на шампионите. Тој верува дека неговиот тим одигра добро и заслужуваше повеќе. Стручњакот ги пофали своите играчи за тоа што докажаа дека можат да играат на исто ниво со најдобрите во светот.
„Кога ќе се разбудиме утре и ќе ги погледнеме работите трезвено, ќе ги видиме позитивните страни. Натпреварот е целосно отворен, игравме навистина добро. Го покажавме нашиот квалитет. Бевме многу конкурентни. Предизвикот е што ни треба поголема конзистентност. Докажавме дека можеме да играме против најдобрите кога сме во најдобра форма“, рече Хау.
Потоа продолжи со своето мислење за натпреварот и неговото разочарување од пропуштената победа.
„Заслужувавме повеќе. Навистина добра игра од тимот, многу, многу добра во сите фази. Мислам дека ги ограничивме со одлична тимска игра во одбраната, а исто така и напаѓавме многу добро. Иако не создадовме многу јасни шанси, мислам дека имавме шанси во текот на целиот натпревар. Беше одлично што конечно нè видовме како постигнуваме гол, но последниот напад од натпреварот, последниот шут… тешко е да се изведе“, заклучи стручњакот.
