Хрватот Игор Тудор ќе го преземе Тотенхем Хотспур до крајот на сезоната!
Според Дејвид Орнштајн, најдоверливиот фудбалски инсајдер кога станува збор за вести од Премиер лигата, сè е договорено. Хрватскиот тренер ќе го замени неодамна отпуштениот Томас Франк и ќе потпише договор до крајот на сезоната.
Тудор, исто како и минатата година за Јувентус, ќе биде дефинитивна опција до крајот на сезоната. Потоа челниците ќе одлучат дали да го продолжат договорот или да посегнат по некој друг на пазарот. Сепак, сигурно е дека Тудор нема да има лесна задача бидејќи Спарс моментално се 16-ти клуб во Премиер лигата.
Што се однесува до Лигата на шампионите, ситуацијата е многу подобра, а клубот, како 4-ти во лигашката фаза, го чека противникот во осминафиналето. За потсетување, Спарс играат во Лигата на шампионите само затоа што ја освоија Лигата на Европа под водство на Анже Постекоглу кога тимот се бореше за опстанок во шампионатот.
Тудор е без работа од 27 октомври минатата година, кога беше отпуштен по седум месеци на клупата на Јувентус. Тој стекна искуство и во најсилните европски лиги во Удинезе, Верона, Марсеј и Лацио. Претходно, тој ги водеше Хајдук, ПАОК, Карабукспор и Галатасарај.
