Аргентинецот Мауро Икарди ја достигна бројката од 73 гола во дресот на Галатасарај. Сите се прашуваат што би се случило доколку напаѓачот не претрпе тешка повреда, поради што ја пропушти речиси целата претходна сезона.
Тој постигнува голови како од шега во турската Супер лига и сигурно веќе ќе беше меѓу петте најдобри стрелци во историјата на Галатасарај. Дури и со вакви повреди, тој ја потврдува својата класа. Вчера испиша историја на познатиот клуб од Истанбул. Тој стана најдобар стрелец меѓу странските играчи во историјата на Галатасарај.
Георги Хаџи долго време беше лидер во таа категорија со 72 гола, а поранешниот напаѓач на Интер првпат се изедначи со познатиот Романец минатиот викенд кога постигна гол од пенал против Кајзери во последните секунди од натпреварот. Против Истанбулспор во Купот на Турција, тој постигна гол по само шест минути и влезе во избраната група. „Галата“, лишена од услугите на Виктор Осимхен (тој дури не беше ни на клупата), успеа да слави без никакви проблеми – 3:1.
Она што им е заедничко на легендарниот Марадона од Карпатите и популарниот „Канџит“ е фактот дека клубот од Истанбул беше брутално доминантен во домашното првенство за време на нивниот престој. Единственото нешто на страната на Хаџи е што тие имаат европски трофеј – Купот на УЕФА во сезоната 1999/2000. Член на тој тим беше сегашниот тренер на Галата и човекот со кого Икарди стана рекордер – Окан Бурук.
Следниот човек што Икарди ќе го брка е Бурак Јилмаз. Поранешниот турски репрезентативец е шести на вечната листа на најдобри стрелци и е само девет гола пред Аргентинецот. Единствениот човек што ќе остане недостижен за Икарди, но и за многу други, е Хакан Шукур. Бикот од Босфорот е на првото место со 288 гола.
Фото: Јутјуб/Принтскрин/Галатасарај
