Лондонскиот весник „Тајмс“ издаде јавно извинување до претседателот на ФИФА, Џани Инфантино.
„Тајмс“ се извини за објавувањето дека тој добивал „двојна плата“ во „светскиот фудбалска централа“ и дека купил имот во Мајами по сомнително ниска цена.
„На 13 октомври 2026 година, објавивме дека Џани Инфантино добил втора плата од ФИФА. Ова е неточно. Немаше втора плата. ФИФА не е обврзана со закон да ги вклучи во својот годишен извештај трошоците и надоместоците што ги примил г-дин Инфантино, бидејќи тие не се сметаат за „компензација“ според швајцарските барања за известување“, соопшти „Тајмс“.
Британскиот весник, исто така, издаде извинување во врска со сопственоста на имотот во Мајами.
„Исто така, прифаќаме дека г-дин Инфантино не го купил имотот во Мајами по сомнително ниска вредност, како што објавивме, и дека ниту тој ниту неговото семејство не се законски сопственици на компанијата што го купила имотот и немаат контрола врз таа компанија, како што предложивме. Со задоволство ги правиме овие корекции и им се извинуваме на г-дин Инфантино и на ФИФА за грешките“, заклучи „Тајмс“.
