Интересот за Џејдон Санчо продолжува да расте, а италијански клубови се вклучија во трката за потписот на крилниот напаѓач на Манчестер Јунајтед, објави „Скај Спортс“.
Еден од нив дури испратил и барање до агентите на играчот за потенцијален трансфер во текот на летото.
Пред една недела, британските медиуми објавија дека Борусија (Дортмунд) е исто така меѓу кандидатите за Санчо и дека Германците веќе започнале преговори со претставниците на играчот. Неговиот договор со „Црвените ѓаволи“ истекува и тој е слободен да контактира клубови надвор од Премиер лигата.
Јунајтед има опција автоматски да го продолжи договорот со поранешниот англиски репрезентативец за една година, но според „Скај Спортс“, клубот нема намера да го стори тоа.
Тој ја заврши сезоната како позајмен играч во Астон Вила, за која има десет натпревари, еден гол и една асистенција.
