Ал-Наср ја освои титулата во Саудиска Арабија, конечно под водство на Кристијано Роналдо, но го загуби тренерот Жорже Жесус. Тренерот потврди дека заминува на денот кога се прославуваше титулата.
„Го прифатив предизвикот да го водам Ал Наср само затоа што му реков на Роналдо: „Ќе ти помогнам да станеш шампион, ќе ја освоиме титулата, а потоа ќе си заминам. Тоа е сè. За мене, мисијата е исполнета. Ова беше мојот последен натпревар како тренер на Ал-Наср“, рече Жесус.
По одигрувањето на сите 34 кола од првенството на Саудиска Арабија, Ал-Наср заврши прв на табелата со 86 бода, два повеќе од Ал-Хилал.
Славниот тренер успеа да стане шампион со Ал-Наср по Ал-Хилал, што е негов шести трофеј во таа земја. Пред тоа, тој успешно ги водеше и Бенфика, Фенербахче, Фламенго, Спортинг…
