Федералната администрација за воздухопловство на САД (FAA) соопшти дека ќе ги забрани летовите со беспилотни летала над стадионите домаќини на Светското првенство, кое ќе се одржи од 11 јуни до 19 јули, и сродните настани низ САД, во обид да се зголеми безбедноста.
Во текот на деновите на натпреварите, сите воздушни операции, вклучително и беспилотните летала, ќе бидат забранети во радиус од 5,56 километри и до надморска височина од 914 метри над стадионот, освен ако не е посебно овластено од контролата на воздушниот сообраќај, објавува Ројтерс.
Дроновите исто така ќе бидат забранети во радиус од 1,85 километри и до надморска височина од 305 метри над земјата за време на навивачките настани низ целата земја.
FAA предупреди дека операторите на беспилотни летала кои ќе влезат во ограничениот воздушен простор без дозвола би можеле да се соочат со казни до 100.000 долари, со можност за кривично гонење и запленување на дронот.
Федералното биро за истраги (FBI), исто така, ќе распореди специјални тимови за контрамерки против беспилотни летала околу стадионите на Светското првенство како дополнителна безбедносна мерка.
Комесарот на полицијата на Њујорк, Џесика Тиш, минатата недела изјави дека на полицијата ѝ се дадени нови овластувања да соработува со федералните партнери за справување со „веродостојни закани од беспилотни летала“ за време на големи настани.
Таа додаде дека полицијата во последните месеци набавила опрема за блокирање на беспилотни летала и контрамерки во вредност од 6,5 милиони долари.
Службениците предупредија дека беспилотните летала лесно можат да се адаптираат за употреба како „воено оружје“, додека претходните инциденти во близина на аеродромите и спортските настани предизвикаа загриженост кај американските пратеници и безбедносните агенции.
 соопшти дека ќе ги забрани летовите со беспилотни летала над стадионите домаќини на Светското првенство, кое ќе се одржи од 11 јуни до 19 јули, и сродните настани низ САД, во обид да се зголеми безбедноста){kind=link}