Капитенот на Атлетико Мадрид, Коке, нема да може да му помогне на тимот во натпреварите против Барселона и Баерн поради повреда, објави денес шпанскиот весник „Марка“.
Сè уште не е познато колку време ќе трае неговото закрепнување.
Во следните десет дена, мадридскиот клуб ќе се соочи и со гостувања против Еспањол и Штутгарт, како и домашен натпревар против Депортиво. Потоа ќе има натпревар против Алавес, а потоа два големи предизвици, бидејќи Баерн и Барселона ќе играат гостувања на стадионот „Метрополитано“.
Симеоне ќе се обиде да го компензира отсуството на Коке со Пабло Бариос и Џони Кардосо, кои во моментов го сочинуваат стандардниот тандем во средниот ред.
