Рускиот тенисер Данил Медведев се пласираше во полуфиналето на Мастерсот во Шангај, откако го победи Американецот Томи Пол со 2:1 (6:3, 1:6, 6:3) по три сета.
Медведев добро го отвори мечот и двапати направи брејк на сервисот на својот ривал во првиот сет. Сепак, Пол имаше можност да се врати веднаш по првиот брејк, но не искористи дури седум брејк топки, па Русинот успеа да ја зачува предноста.
На крајот од првиот сет, Медведев повторно направи брејк и поведе со 1:0.
Американецот возврати во вториот сет, во кој целосно ја презеде контролата. Тој направи брејк на сервисот на Медведев три пати и го израмни мечот на 1:1 со убедливи 6:1.
Сепак, Русинот повторно го пронајде вистинскиот ритам во решавачкиот сет. Направи брејк веднаш на почетокот, а следеше уште еден во деветтиот гем, со што дефинитивно го скрши отпорот на Пол и обезбеди место меѓу најдобрите четири тенисери на турнирот.
Медведев во полуфиналето ќе се соочи со шпанскиот тенисер Рафаел Ходар.
 по три сета){kind=link}