Легендарниот германски фудбалер Тони Крос беше воодушевен од настапот на Баерн, кој целосно го надигра РБ Лајпциг во дербито на Бундеслигата и славеше со резултат од 6:1.
Баварските гиганти, предводени од Винсент Компани, играат во фантастична форма и се претворија во еден од главните кандидати за освојување на Лигата на шампионите. Нивната моќ најдобро ја почувствува Лајпциг, кој доживеа вистински дебакл во Минхен.
Легендарниот Тони Крос зборуваше за натпреварот во поткастот „Einfach mal Luppen“, кој го води со својот брат Феликс. Поранешниот играч од средниот ред на Баерн и Реал Мадрид призна дека престанал да го гледа натпреварот по само половина час.
„Можеше да биде 10-0 на полувреме, беше брутално. Секако, Баерн играше брилијантно, но Лајпциг само гледаше. Такви работи можат да се случат, но ако го погледнете Лајпциг во последните години и нивните амбиции да бидат меѓу првите три тима во Бундеслигата, тогаш не можат да си дозволат да направат нешто такво, дури ни против Баерн“, рече Крос.
Особено е интересно што Лајпциг, по тежок пораз, го очекува гостување против Реал Мадрид во Лигата на шампионите. Крос верува дека германскиот тим ќе се соочи со слично сценарио ако не го променат својот пристап.
„Сега одат во Мадрид и таму ќе изгледаат потполно исто ако не почнат да се борат и да покажат поголема верба во себе. Од самиот почеток во Минхен се чинеше како да знаат дека ќе изгубат и дека е само прашање колку голови ќе примат. Другите тимови, со многу пониски амбиции, покажаа многу поголем отпор против Баерн“, заклучи Крос.
