Менаџерот на Ковентри, Френк Лампард, призна дека клубот ќе има многу работа и мора брзо да дејствува на летниот трансфер пазар пред да се врати во Премиер лигата.
Ковентри ја обезбеди титулата во Чемпионшип со победа над Рексам за време на викендот. Сепак, стручњакот е свесен дека за многу тимови е тешко да останат во првата лига после тоа.
„Ова е огромен предизвик, нели? Гледаме колку тимови одат нагоре, а потоа одат надолу. Тоа е голем чекор и тешко е да се етаблирате во Премиер лигата. Имаме многу работа да завршиме. Ќе го направиме тоа брзо и мислам дека мора да го направиме брзо“, рече Лампард.
„Многу од овие работи зависат од изборот на сопственикот бидејќи тој е шеф во фудбалскиот клуб. Но, разговорите очигледно мора да се случат наскоро, додека ние мора да уживаме во овој момент“, додаде легендата на Челси.
На прашањето дали ќе има време за одмор, Лампард одговори: „Апсолутно. Можам да правам многу работи истовремено. Ќе разговарам и ќе се одморам, нема проблем.“
