Португалецот Рафаел Леао го пофали Ламин Јамал, велејќи дека се надева дека тинејџерот од Барселона ќе ја освои „Златната топка“ и ќе крене повеќе трофеи со каталонскиот клуб по уште една серија импресивни настапи.
Во разговор за „ТНТ Спортс Бразил“ по синоќешниот натпревар од второто коло во Лигата на шампионите помеѓу Галатасарај и Барселона, тој рече дека Јамал е играч кого многу го почитува.
„Се надевам дека Ламин Јамал ќе ја освои „Златната топка“ и ќе крене големи трофеи со Барселона. Тој е меѓу најдобрите во светот, играч и личност кого многу го почитувам. Тој е опкружен и со одлични соиграчи во исклучителен клуб“, рече тој.
За потсетување, Барса синоќа славеше против Галатасарај во Истанбул со резултат од 4:1, а Јамал запиша две асистенции и на крајот заслужено ја понесе титулата Играч на натпреварот.
