Ливерпул го идентификуваше крилниот напаѓач на Хофенхајм, Базумана Туре, како еден од главните фаворити за замена на Мохамед Салах, според медиумите во Англија и Германија.
Скаути од „Енфилд“ присуствуваат на речиси секој натпревар на германскиот тим за да ги следат настапите на перспективниот 20-годишен фудбалер.
Весникот „Билд“ тврди дека Хофенхајм ќе побара околу 40 милиони евра за правата на талентираниот лев бек, кој има договор до летото 2029 година, а во него нема клаузула за откуп.
Авторитетното германско издание додава дека луѓе од англискиот тим биле присутни и на пријателскиот натпревар помеѓу Брегот на Слоновата Коска и Шкотска минатата недела, кој го добија Африканците со 1-0, во кој Туре ги одигра сите 90 минути.
Крилниот напаѓач беше дел и од националниот тим за време на Африканскиот куп на нации претходно оваа година, каде што постигна два гола.
Други англиски клубови, вклучувајќи ја и Астон Вила, исто така се заинтересирани за играчот.
Оваа сезона, тој има 11 асистенции и два гола во 24 натпревари во сите натпреварувања за Хофенхајм.
