Напаѓачот на Реал Мадрид, Килијан Мбапе, ќе отсуствува поради повреда на мускулот на левата нога, објави најуспешниот европски клуб.
Клубот не ја прецизираше должината на паузата, но шпанските медиуми објавуваат дека Мбапе веројатно нема да се опорави на време за „Ел Класико“ против Барселона на 10 мај.
„По тестовите извршени денес од медицинскиот тим на Реал Мадрид, на нашиот играч Килијан Мбапе му е дијагностицирана повреда на левата тетива. Неговото закрепнување ќе биде следено“, се вели во соопштението на клубот.
Пет кола до крајот, Барселона е 11 бода пред Реал Мадрид и речиси сигурно ќе ја одбрани титулата во шпанското првенство.
