Милан почна да гради тим за Лигата на шампионите следната сезона, а еден од трансферите би можел да биде Александар Серлот.
Според „Газета дело Спорт“, норвешкиот централен напаѓач се согласил да започне преговори со „росонерите“ и е отворен за трансфер на „Сан Сиро“.
Серлот сака да ја реши својата иднина до Светското првенство, но Милан нема да сака да ги „испразни“ клупските каси за да го доведе, бидејќи во декември полни 31 година.
Во моментов, Милан разгледува понуда од 20.000.000 евра плус бонуси. Се нагласува дека има простор за прилагодување на износот, но не многу.
Очигледно, „росонерите“ имаат подготвени замени во форма на Душан Влаховиќ и Николас Џексон, но Серлот е главната опција, кој самиот е свесен дека ќе биде стартен централен напаѓач на „Сан Сиро“.
