Тренерот на Бенфика, Жозе Мурињо, ги негираше гласините дека преговара со Реал Мадрид. Со денови, трофејниот Португалец се поврзуваше со својот поранешен клуб, како еден од искусните кандидати на кои се фокусира претседателот на Реал Мадрид, Флорентино Перез.
„Никој од Реал Мадрид не ме контактирал. Гарантирам! Толку години сум во фудбалот, навикнат сум на овие гласини, но немаше никаков глас од Реал Мадрид“, изјави Мурињо за португалскиот весник А Бола.
Мурињо има договор со Бенфика до крајот на следната сезона, но и клаузула од 3 милиони евра, за која се шпекулираше дека Реал Мадрид ќе ја активира.
Засега, се чини дека нема ништо од бизнисот…
