Жозе Мурињо ќе одлучи по завршувањето на сезоната дали ќе остане тренер на Бенфика. Според гласините во последните денови, 63-годишниот тренер би можел да се врати во Реал Мадрид на лето.
„Белите“ во моментов ги предводи Алваро Арбелоа, за кого се очекува да ја напушти тренерската функција на лето.
Специјалниот беше на чело на Мадрид помеѓу 2010 и 2013 година и ја освои титулата, Купот и шпанскиот Суперкуп.
„Не сакам да кажам ништо повеќе за мојата иднина. Веќе споделив што имав да кажам за Бенфика и нема да давам други коментари. Сите добро ја знаат ситуацијата. Кога ќе заврши сезоната, ќе имаме 10 дена да одлучиме дали ќе продолжиме или ќе се разделиме. Веќе кажав што сакав. Реков доволно, можеби дури и повеќе од потребното, така што нема потреба да додавам ништо. Нема потреба да го повторувам. Тоа е сè“, рече тренерот на „орлите“ за време на неговата денешна прес-конференција.
