Норвешката фудбалска федерација одлучи да ги донира сите приходи од продажбата на билети за квалификацискиот натпревар за Светското првенство во 2026 година против Израел за хуманитарна помош за луѓето од Газа.
Собраните пари ќе одат во медицински и хуманитарни организации кои работат во областа, вклучувајќи ја и „Лекари без граници“ (MSF).
Овие организации обезбедуваат здравствена заштита, лекови и друга основна помош за жителите погодени од конфликтот.
Норвешката фудбалска федерација објасни дека со оваа иницијатива сакаат да обезбедат конкретна поддршка на цивилите кои се соочуваат со тешка хуманитарна криза, без оглед на политичките околности.
Одлуката предизвика бројни реакции во јавноста и на социјалните мрежи. Многумина го пофалија потегот на Норвешката федерација, истакнувајќи го како пример за тоа како спортот може да им помогне на луѓето на кои им е најпотребна помош.
