Капитенот на германскиот шампион Баерн, голманот Мануел Нојер (40), се согласил со условите на новиот договор што му го понудил клубот, објави германскиот медиум „Скај“ вчера.
Во веста се наведува дека прославениот голман ќе потпише нов едногодишен договор. Сегашниот договор на Нојер со Баерн истекува следниот месец.
Според „Скај“, официјалната потврда за оваа вест треба да биде објавена по саботниот дуел помеѓу Баерн и Келн, со кој ќе заврши сезоната во Бундеслигата.
Преговорите поголемиот дел од времето се фокусирале на висината на платата на Нојер, а според извештајот, поранешниот голман на германската репрезентација се согласил на намалување на износот во споредба со сè уште важечкиот договор.
Нојер му се придружи на Баерн во 2011 година од Шалке, кога започнал неговиот подем. Делумно благодарение на неговите одбрани, Баерн беше шампион на Германија 13 пати во последните 15 години и двапати го освои трофејот од Лигата на шампионите, како и голем број други трофеи.
, се согласил со условите на новиот договор што му го понудил клубот, објави германскиот медиум „Скај“ вчера){kind=link}