Поранешниот играч на Баерн Минхен, Жоао Паљиња, сега е играч на Бенфика. 31-годишниот Португалец, кој беше мета на Астон Вила и Њукасл во овој преоден рок, потпиша четиригодишен договор со Бенфика.
Бенфика му плати на Баерн 14 милиони евра, со можни бонуси до пет милиони евра во зависност од „претходно дефинираните цели“.
„Очекувањата се многу високи, како што сите знаеме, кога се претставува Бенфика. И во овој момент јас сум уште еден од оние кои се тука да помогнат, да дадат сè од себе за клубот. Не се сомневам дека целата структура, како и целата маса навивачи, исто така копнеат по освојување титули“, изјави Паљиња за веб-страницата на клубот.
Паљиња ја помина минатата сезона на позајмица во Тотенхем, а тренерот Роберто Де Зерби рече дека сака да го задржи откако клубот обезбеди опстанок во Премиер лигата.
Сепак, Тотенхем ги потпиша Сандро Тонали и Матеус Фернандеш, оставајќи го Палиња во потрага по нов клуб, објави денес „Скај Спортс“. Баерн сакаше само трајна продажба, поради што тој не се приклучи на Астон Вила.
Палиња се приклучи на Баерн во 2024 година од Фулам. Во својата прва сезона, тој одигра 25 натпревари во сите натпреварувања и ја освои Бундеслигата. Пред тоа, играше за Спортинг.
