Двајцата голмани на Баерн Минхен, Мануел Нојер и Јонас Урбиг, се мачат со повреди и тоа би можело да претставува огромен проблем за Баварците во наредните недели.
Селекторот на Германија, Јулијан Нагелсман, го испрати Урбиг дома откако 22-годишниот голман го повреди коленото. Тој нагласи дека повредата не е сериозна и дека станува збор повеќе за превентивна мерка, но тоа воопшто не го смирува Винсент Компани.
Стандардниот голман Мануел Нојер, кој има 40 години, работи напорно за целосно да се опорави од втората руптура на мускулот што ја претрпе за неколку недели, па затоа тренерот на Баерн мора да биде многу внимателен со своите голмани. Во спротивно, може да се најде во ситуација да го стави 16-годишниот Леонард Прескот на голот во четвртфиналниот натпревар од Лигата на шампионите со Реал Мадрид на 7 и 15 април.
Германскиот шампион беше во слична ситуација пред реваншот од осминафиналето со Аталанта (4:1), но потоа ги спаси третиот голман, Свен Улрајх, кој во меѓувреме се повреди, исто како и четвртиот голман, Леон Кланац!
