Фудбалерот од средниот ред на Барселона, Педри, беше среќен по победата од 2-0 во „Ел Класико“ против Реал Мадрид. Победата беше двојна, бидејќи им ја донесе и титулата на Каталонците.
„Сакавме да ја освоиме тука, во Класико, пред нашите луѓе, а сега тоа е историја. Одигравме фантастичен натпревар од првата до последната минута. Ништо слично не е направено претходно во овој нов проект. Прекрасно е. Сега е време да славиме со нашите семејства и со навивачите, бидејќи ова не е нешто што се постигнува секој ден“, рече Педри.
„Ја посветуваме оваа победа и титулата на Ханси Флик за тешката загуба што ја претрпе денес во неговото семејство. Нека почива во мир неговиот татко. Ова е за него, таму горе на небото. Флик е како татко за сите нас во соблекувалната, тој секогаш се грижи за личноста, не само за фудбалерот, и сакавме да му возвратиме со гест на теренот“, додаде играчот од средниот ред.
