Енцо Фернандез верува дека летото 2026 година е идеално време да го напушти Челси.
Исто како што ја напушти Бенфика по претходното Светско првенство и се приклучи на „сините“, Енцо верува дека летото по новото Светско првенство е вистинско време да направи чекор напред во кариерата.
Наводно, негова најголема желба е Реал Мадрид, кој се чини дека е единствениот клуб што може да си го дозволи во моментов.
Реал Мадрид е споменуван и претходно, но проблемот е што Челси не сака да ги изгуби парите што ги инвестираше за него, што значи дека Флорентино Перез ќе мора да плати над 120.000.000 евра за неговиот трансфер.
Се чини дека на „кралскиот клуб“ му е потребно уште едно мега засилување во средниот ред, особено затоа што се повеќе се шпекулира дека Едуардо Камавинга ќе биде на трансфер листата, а Дани Себаљос сигурно ќе си замине на лето.
Сето ова сугерира дека Реал Мадрид ќе го истражи пазарот и дека Енцо сигурно ќе биде примамлива, но не и евтина опција.
Енцо пристигна на „Стемфорд Бриџ“ во јануари 2023 година за огромни 121 милион евра, а неговиот договор е до јуни 2032 година.
Аргентинецот досега одигра 159 натпревари, постигна 28 гола и регистрираше 29 асистенции.
Дали Челси има избор и за колку пари ќе го продаде ако Енцо го принуди да си замине? Одговорите следат по Светското…
