Тренерот на Ливерпул, Арне Слот по синоќешната бледа партија против Тотенхем изјави дека „црвените“ всушност ја подобруваат својата игра.
„100 проценти сум сигурен дека најдоброто допрва доаѓа бидејќи има индивидуално подобрување и тоа се случува во моментов. Знаеме дека е тешко да се постигне она што го постигнавме минатата сезона. И покрај сè, имаме шанса да освоиме нешто. Играме во четвртфиналето на ФА Купот и сме во осминафиналето на Лигата на шампионите. Многу пати сум рекол: иднината изгледа светла за Ливерпул“, забележа Слот, чиј тим беше исвиркан по дуелот со Тотенхем.
„Мислам дека е упатено до тимот, што целосно го разбирам. Ако не се чувствувате фрустрирани откако изгубивте бодови дома против Тотенхем, кои се во лоша форма…“, додаде тој.
Ливерпул е на петтото место во моментов. Четвртото не е толку далеку, само два бода, а Лигата на шампионите е секако на дофат. Но, нивниот распоред на крајот од сезоната е таков што играат против сите конкуренти за тоа место.
