Раководството на Реал Мадрид денес му даде нова понуда на Винисиус, со која ќе се обиде да го убеди Бразилецот да потпише нов договор со клубот.
Според „Кадена Сер“, станува збор за годишна плата од 22 милиони евра, која со бонуси би можела да достигне 24 милиони. Рокот на договорот е до летото 2031 година. Досега, Винисиус добивал 18 милиони евра.
Според изворот, кралскиот клуб нема намера дополнително да ја зголемува својата понуда, а Бразилецот нема да биде задоволен од оваа понуда, бидејќи сепак ќе остане далеку зад Килијан Мбапе во однос на платата, кој добива околу 30 милиони евра.
Според Дејвид Орнштајн, Винисиус бара минимум 28 милиони. Ова би можело да биде голема шанса за Арсенал. Англискиот шампион сака да го привлече Винисиус и е подготвен да понуди 100 милиони евра за него плус уште 20 милиони во форма на бонуси. „Топџиите“ се подготвени да ги исполнат сите желби на самиот фудбалер во врска со неговите лични услови.
„Ас“ додава дека соблекувалната на Арсенал веќе е сигурна дека Винисиус ќе им биде соиграч следната сезона.
