Германската фудбалска репрезентација брзо реши горлив проблем на клупата, бидејќи легендарниот Јирген Клоп ќе биде назначен за нов селектор на „панцирите“, пишува инсајдерот Фабрицио Романо!
По невидениот шок и елиминација од Парагвај по изведувањето на пенали во осминафиналето на Светското првенство, Јулијан Нагелсман беше отпуштен по брза постапка, а челниците на федерацијата направија најсилен можен потег.
Клоп со тоа се враќа на тренерската работа по кратка пауза, подготвен да го врати разнишаниот углед и победничкиот менталитет на паднатиот гигант.
🚨🇩🇪 BREAKING: Jürgen Klopp as new Germany head coach, here we go! 💥
Klopp has accepted to take over; long term contract details, project and RB Group exit still under discussion, but he will be the new head coach.
RB considered Glasner as replacement but he signs at #NFFC.… pic.twitter.com/a5uULmyCJx
— Fabrizio Romano (@FabrizioRomano) July 5, 2026
Стручњакот, роден во Штутгарт, веднаш јавно објави дека му е чест да го преземе кормилото на националниот тим во овој деликатен момент и нагласи дека нема проблем да го наследи Нагелсман. Во неговата татковина моментално се финализираат последните административни детали во врска со условите под кои харизматичниот тренер ќе го напушти Лајпциг, каде што во последните месеци успешно ја извршуваше високата позиција на глобален службеник и раководител на фудбалот во системот на Ред Бул.
Додека цела Германија го слави враќањето на својот најомилен тренер на големата сцена, ова назначување предизвика тектонски пресврт и создаде огромен проблем во Бундеслигата. Како што објавува најпознатиот фудбалски инсајдер Фабрицио Романо, раководството на РБ Лајпциг се нашле во незавидна позиција преку ноќ. Групацијата размислувала да го назначи Оливер Глазнер за негов наследник, но тој во меѓувреме заврши во Нотингем Форест.
