Суперѕвездата на Ал-Наср, Кристијано Роналдо, призна дека крајот на неговата славна фудбалска кариера е близу, но исто така инсистираше дека продолжува да ужива во секој натпревар. Офанзивниот фудбалер ја даде изјавата по вчерашната победа од 2-0 над Ал-Ахли, во која го постигна својот 970-ти гол.
„Крајот на мојата кариера се ближи, па да уживаме во секој натпревар. Продолжувам да играм не само за оваа генерација, туку и за претходната и следната. Уживам во секој ден, во секој натпревар и во секоја година, иако се ближам кон крајот на мојата кариера. Ова се фактите. Мојата кариера е брилијантна и сакам така да продолжи. Сè уште уживам во неа и продолжувам да постигнувам голови, но најважно е да победуваме. Навистина сакаме да го освоиме првенството. Тврдењата на Ал-Ахли? Гледам многу лоши работи, со многу играчи кои се жалат, зборуваат за судиите, објавуваат на социјалните мрежи… Ова не е целта на саудиското првенство. Мораме да го запреме сето ова ако сакаме да се натпреваруваме со најдобрите европски првенства“, коментираше Роналдо.
За време на друго интервју по натпреварот, еден навивач на Ал-Ахли реши да го задева Португалецот со забелешката дека тимот за кој навива ја освоил Азиската Лига на шампиони во последните две години. Поранешната ѕвезда на Манчестер Јунајтед, Реал Мадрид и Јувентус го прифати ова со насмевка, одговарајќи дека самиот е петкратен шампион во попрестижната Лига на шампиони, поточно онаа во Европа.
